რა არის Vertrigo Server და როგორ გამოვიყენოთ იგი

  • K1CK3R
  • December 19, 2011
  • 0

იმ ადამიანებს ვისაც ვებ-ის განხრით რაიმე გამოცდილება აქვს ალბათ ეცოდინებათ, რომ ნებისმიერ ვებ-გვერდს სჭირდება ჰოსტინგი. არსებობს რამდენიმე უფასო ჰოსტინგიც, მაგრამ გაცილებით მოსახერხებელია საკუთარი საიტის localhost-ზე “გატესტვა”.

ზუსტად ამიტომ, გადავწყვიტე ამ თემის გარშემო სტატია დამეწერა. Vertrigo server დაგეხმარებათ თქვენსავე კომპიუტერში გქონდეთ საკუთარი ჰოსტინგი. ამისათვის პირველ რიგში უნდა გადმოწეროთ პროგრამა ოფიციალური საიტიდან (Vertrigo server-ის გადმოსაწერი ლინკი), რის შემდეგაც დეტალურად გასწავლით თუ როგორ უნდა გამართოთ და გამოიყენოთ ის.

როდესაც პროგრამას წარმატების დააინსტალირებთ, ამის შემდეგ მის გამართვაზე მიდგება საქმე. იმ შემთხვევაში თუ თქვენ იყენებთ –skype-ს შესაძლებელია პროგრამამ წარმატებით არ იმუშაოს, ამიტომ ჯერ გამორთეთ სკაიპი, შემდეგ ჩართეთ vertrigo server და მერე სურვილისამებრ შეგიძლიათ ისევ ჩართოთ Skype.

Screen 1

იმისათვის, რომ დარწმუნდეთ პროგრამის გართულ მუშაობაში, მარჯვენა ქვედა ნავიგაციაში, vertrigo server-ს უნდა ჰქონდეს მწვანე + . თუ ყველაფერი რიგზეა, შემდგომ შეგვიძლია გადავიდეთ უშუალოდ პროგრამის გამოყენებაზე.

იმ შემთხვევაში თუ თქვენს რომელიმე ბრაუზერში ჩაწერთ ლინკს: http://localhost/ თქვენთან უნდა გამოჩნდეს შემდეგი გვერდი, ასევე გეტყვით რომ PHP admin ის მონაცემები არის user:root password:vertrigo, PHP admin გჭირდებათ database-ის შესაქმნელად.

Screen 2

იმ შემთხვევაში თუ database შექმენით, ახლა უკვე სკრიპტის ატვირთვაზე უნდა ვიფიქროთ, ამისათვის შევდივართ იმ folder-ში, სადაც vertrigo server-ი გაქვთ დაინსტალირებული. (default-ად C:\Program Files\VertrigoServ), როდესაც შეხვალთ folder-ში, იქ უნდა დაგხვდეთ www განყოფილება, ზუსტად ამ განყოფილებაში უნდა აიტვირთოს თქვენთვის სასურველი სკრიპტი.

შეგიძლიათ რამდენიმე სკრიპტი ატვირთოთ folder-ში და ყველას სხვადასხვა სახელი დაარქვათ. მაგალითისთვის განვიხილოთ ყველასთვის კარგად ნაცნობი wordpress და Datalife Engine, იმ შემთხვევაში თუ ჩვენ ვაინსტალირებთ wordpress, www განყოფილებაში შევქმნით folder-ს wp და შიგნით “ჩავყრით” საინსტალაციო ფაილებს. ამის შემდეგ http://localhost/wp-ზე იქნება ჩვენთვის სასურველი wordpress , ანალოგიურად http://localhost/DLE თუ wp folder – ის მაგივრად შევქმნით DLE folder-ს. შეგიძლიათ ორივე folder გქონდეთ და ეს არანაირ პრობლემას არ შეუქმნის თქვენს localhost-ს.

წინა «
შემდეგი »