მას შემდეგ რაც Facebook-ს კონკურენტად Google+ მოევლინა,  ფეისბუქის გუნდი ვებ–გვერდის დახვეწას  და მომხმარებელზე მაქსიმალურად მორგებას აქტიურად ცდილობს, რაც ისედაც არ აკლდა Facebook-ს, მაგრამ როდესაც Google Inc არის შენი კონკურენტი მოდუნების საშუალება არ უნდა მისცე თავს,     თორემ ადრე თუ გვიან აღმოაჩენ, რომ თურმე “გადაყლაპული ხარ” Google-ს მიერ.

არც ისე დიდი დროა გასული მას შემდეგ რაც Facebook-მა შეცვალა ინტერფეისი და მომხმარებელს ე.წ Timeline შესთავაზა, მიუხედავად იმისა, რომ Timeline ტექნოლოგიურ სიახლეს წარმოადგენს მომხმარებელთა უმრავლესობა ვერ შეეგუა მას და ისევ ძველი ინტერფეისის დაბრუნება სურს.

 Timeline-ს გათიშვის რამდენიმე ხერხი არსებობდა, მაგრამ 100% გამართულად არცერთი არ მუშაობდა (მათ შესახებ ჩვენთანაც ეწერა სტატიაში: როგორ გამოვრთოთ Timeline Facebook–ზე). ვინაიდან Timeline-ს გათიშვის სურვილით აღტკინებულ ადამიანთა რაოდენობა არ იყო მიზერული, ამიტომ თავად კონკრეტული ბრაუზერებისთვის დაიწერა დამატებები (add-on, extension) Timeline-ს გასათიშად.

სწორედ Timeline-ს გათიშვის აღნიშნულ მეთოდებს განვიხილავთ ამ სტატიაში. განხილული იქნება Timeline-ს გათიშვის მაგალითები Google Chrome-სა და Firefox–ზე.

Timeline–ს გათიშვა Google Chrome-ზე

1. გადადიხართ TimelineRemove-ს დასამატებელ ბმულზე (ბმული: TimelineRemove);

2. ამატებთ TimelineRemove-ს ქრომში “ADD TO CHROME” ღილაკზე დაჭერით;

3. გამოსულ ფანჯარაში აკლიკებთ დამატების ღილაკს “Add“;

4. გათიშეთ Chrome და ხელახალი ჩართვის შემდეგ შედით Facebook-ზე.

სულ ეს არის TimelineRemove დაყენებულია, თქვენ შეგიძლიათ სურვილისამებრ გათიშოთ და ჩართოთ TimelineRemove, Adress Bar-ის გასწვრივ მდებარე ხატულაზე დაკლიკების მეშვეობით.

თუ გადაწყვეტთ TimelineRemove-ს წაშლას Adress Bar-ის გასწვრივ მდბარე ხატულაზე დააკლიკეთ მაუსის მარჯვენა ღილაკი და გამოსულ მენიუში აირჩიეთ (Remove from Chrome) წაშლის ფუნქცია.

Timeline–ს გათიშვა Firefox-ზე

1. გადადიხართ TimeLineRemove-ს გადმოსაწერ ბმულზე (ბმული: TimeLineRemove);

2. იწერთ TimeLineRemove-ს “Download Now” ღილაკის მეშვეობით (ან უბრალოდ გამოსულ ფანჯარაში აკლიკებთ ღილაკს “Allow“);

3. Add-on-ის გადმოწერის შემდეგ აკლიკებთ ღილაკს “Install Now“-ს;

4. განაახლებთ (დაარეფრეშებთ) Facebook-ს და დაიბრუნებთ ძველ ინტერფეისს.

Firefox-ის შემთხვევაში TiemLineRemove უნდა გათიშოთ შემდეგნაირად Firefox > Add-ons და შემდეგ ვთიშავთ.  Mac-ის შემთხვევაში Tools > Add-ons და შემდეგ ვთიშავთ.