სამსახურის დაწყების მსურველთა უმეტესობას განსაკუთრებით საჯარო სამსახურში თხოვენ ცნობას ნასამართლეობის შესახებ, მისი აღება არც ისე პრობლემურია თუმცა ონლაინ განცხადების გაკეთება გაცილებით მარტივი და ნაკლებად შრომატევადია.

მათთვის ვისაც სტატიის წაკითხვა გეზარებათ და ჩვენთან რეკავთ შემდეგი ტექსტებით: “ცნობაზე ვრეკავ?!” “ნასამართლეობის ცნობას თქვენ გასცემთ ხო?!” და ა.შ მომსახურების სააგენტოს საკონტაქტო ნომერია: 0322 41 91 91

ცნობა ნასამართლეობის შესახებ

იმისათვის რომ აიღოთ ცნობა ნასამართლეობის შესახებ ონლაინ, უნდა შეხვიდეთ შემდეგ საიტზე: http://sa.gov.ge/, აღნიშნულ საიტზე შეიძლება დიდხანს იხეტიალოთ, მაგრამ ვერსად მიაგნოთ ონლაინ განცხადების გაკეთების ფორმას. ეს კი გამოწვეულია მხოლოდ ერთი მარტივი შეზღუდვით – თუ საიტზე რეგისტრაციას არ გაივლით არ გამოჩნდება ის პანელი საიდანაც ცნობის დამზადების შესახებ განცხადების დაწერა შეგიძლიათ.

რეგისტრაციის გავლა

რეგისტრაციის დასაწყებად https://www.sa.gov.ge/ -ზე უნდა დააკლიკოთ – ავტორიზაცია/რეგისტრაცია -ს.

ამის შემდეგ გამოვა ფანჯარა სადაც მისათითებელია მომხმარებელი და პაროლი მაგრამ ვინაიდან რეგისტრირებულები არ ვართ ვერ მიუთითებთ მას და ამიტომ ვირჩევთ რეგისტრაცია-ს.

 მითითებულ ღილაკზე დაკლიკების შემდეგ გამოვა სარეგისტრაციო ველები, რომელთა შევსებაც სავალდებულოა.

ალბათ ხვდებით, რომ უნდა მიუთითოთ უტყუარი და ზუსტი ინფორმაცია, ამის სემდეგ მონიშნავთ კვადრატს, რომელიც არის “ვეთანხმები მომსახურების პირობებს” ფრაზის წინ და დააკლიკებთ რეგისტრაციის ღილაკს.

თუ თქვენ ყველა ველს სწორად შეავსებთ გამოვა მსგავსი ტიპის შეტყობინება, რომელიც გვამცნობს რომ ჩვენს მითითებულ ელ.ფოსტაზე გამოიგზავნება წერილი, სადაც იქნება რეგისტრაციის დასრულების ბმული.

მას შემდეგ რაც ელ.ფოსტაზე შეხვალთ და დააკლიკებთ მომსახურების სააგენტოსაგან მიღებულ ბმულს, უკვე შეგიძლიათ გაიაროთ ავტორიზაცია ვებ-გვერდზე.

ავტორიზაციის გავლისას უთითებთ ელ.ფოსტას და პაროლს, ხოლო ავტორიზაციის კოდს მიიღებთ მობილურზე ან ელ.ფოსტაზე (ამ შემთხვევაში მონიშნულია მობილური). ველების სწორად შევსების შემთხვევაში გამოვა შემდეგი ფანჯარა:

სადაც უნდა შეიყვანოთ მობილურზე/ელ.ფოსტაზე მიღებული კოდი და დააკლიკოთ ღილაკს ავტორიზაცია.

ავტორიზაციის გავლის შემდეგ თქვენ უკვე გადახვალთ ძალიან საიტერესო გვერდზე სადაც არამარტო ცნობის აღება არამედ სხვა საინტერესო მომსახურებებიც შეგიძლიათ მიიღოთ ონლაინ.

ნასამართლეობის შესახებ ცნობის ასაღებად ან აკლიკებთ განცხადებებს და შემდეგ ცნობებს და ირჩევთ ნასამართლეობის შესახებ-ს ან უბრალოდ ცნობის აღებას აკლიკებთ და გადახვალთ შემდეგ გვერდზე:

სადაც ავსებთ მითითებულ მონაცემებს და რაც ძალიან საინტერესოა 5 სამუშაო დღეში ცნობის მომზადება არის სრულიად უფასო, ასევე არაა აუცილებელი ცნობის ასაღებად თქვენ მიხვიდეთ შეგიძლიათ მიუთითოთ მინდობილი პირი (მხოლოდ სახელის და გვარის მითითებით აიღებს თქვენს მაგივრად ცნობას).

ცნობის საფასური:

5 დღე – უფასო;

3 დღე – 15 ლარი;

1 დღე – 25 ლარი;

*ცნობა მოქმედია მისი გაცემიდან (დამზადებიდან) 15 კალენდარული დღის განმავლობაში.

მას შემდეგ რაც შეავსებთ მონაცემებს და დააკლიკებთ რეგისტრაციის ღილაკს თქვენს განცხადებას მიიღებს მომსახურების სააგენტო, თუ მაინც გსურთ გადაამოწმოთ ნამდვილად მიიღეს თუ არა თქვენი განცხადება აკეთებთ შემდეგს:

ჩამოშლით განცხადებების მენიუს და აკლიკებთ “განცხადებები”-ს ღილაკს, რომლის შემდეგაც გამოვა ინფორმაცია თქვენი განაცხადის შესახებ (როგორც ეს სურათზეა ნაჩვენები).

განცხადების მომზადების შესახებ ინფორმაცია მოგივათ თელეფონზე SMS-ის სახით და მითითებული ადგილიდან შეძლებთ ნასამართლეობის შესახებ ცნობის აღებას უპრობლემოდ.

გისურვებთ სასურველ ცნობას !