ფუნთუშა დარიჩინით არც ისე გავრცელებულია ჩვენში, თუმცა ძალიან გემრიელია, ასე რომ თუ გაეცნობით ამ სტატიას შეძლებთ მის მომზადებას უმარტივესად და რაც მთავარია დროის მინიმალური დანაკარგით.

ინგრედიენტები:

ულუფა:

•  20 დიდი  ფუნთუშა

ცომი:

• 1/2 ჭიქა თბილი წყალი
• 2 შეფუთვა მშრალი საფუარი
• 2 ს/კ შაქარი
• 100 გ ვანილის პუდინგი
• 1/2 ჭიქა დამდნარი მარგარინი
• 2 კვერცხი
• 1 ჩ/კ მარილი
• 6 ჭიქა ფქვილი
• 1 ჭიქა რბილი კარაქი
• 2 ჭიქა ყავისფერი შაქარი
• 4 ს/კ დარიჩინი

ჭიქურა  ნაღების ყველიდან:

• 226 გ ნაღების ყველი
• 1/2 ჭიქა მარგარინი
• 2 ს/კ ვანილი
• 3 ჭიქა შაქრის ფხვნილი
• 1 ს/კ რძე

ნაბიჯები: 

ნაბიჯი 1: ჯამში ჩავასხათ წყალი, ჩაყარეთ შაქარი, საფუარი და ავურიოთ ისე რომ ყველა ინგრედიენტი კარგად გაიხსნას და გადავდგათ გვერდზე.

ნაბიჯი 2: გავაკეთოთ პუდინგი დიდ ჯამში.  ავურიოთ ერთმანეთში მარილი, საფუარი, მარგარინი და დავამატოთ პუდინგს. კარგად ავთქვიფოთ.

ნაბიჯი 3: დავამატოთ ფქვილი. გირჩევთ დაამატოთ თითო–თითო ჭიქა რადგან ასე უფრო ადვილი მოსარევი იქნება ვიდრე 6 ჭიქა ერთად.

ნაბიჯი 4: იქამდე მოვზილოთ ცომი სანამ  ხელებიდან არ მოგვშორდება.

ნაბიჯი 5: გადავიტანოთ ცომი ცხიმწასმულ ჯამში, გადავაფაროთ ნაჭერი  და დავდგათ თბილ ადგილას. მივცეთ მას ამოსვლის საშუალება. ცომი უნდა გახდეს ორმაგი. შემდეგ მოვზილოთ, ისევ გადავაფაროთ ნაჭერი და ისევ მივცეთ ამოსვლის საშუალება.

ნაბიჯი 6: გავაბრტყელოთ ცომი და წავუსვათ დარბილებული კარაქი.

ნაბიჯი 7: მეორე ჯამში ავურიოთ ერთმანეთში ყავისფერი შაქარი და დარიჩინი.

ნაბიჯი 8: წავუსვათ ეს მასა გაბრტყელებულ ცომს. დავახვიოთ რულეტისებურად.

ნაბიჯი 9: დანით დავჭრათ რულეტი 5 სმ ზომის ნაჭრებად.

ნაბიჯი 10: დავდოთ ფუნთუშები ლითონის ლანგარზე და დავაცადოთ ცოტა ხანი რომ კიდევ გაფუვდეს.

ნაბიჯი 11: გამოვაცხოთ 15–20  წუთის მანძილზე 180°С  გრადუსზე. როდესაც დაიბრაწება გამოვიღოთ ღუმელიდან.

ნაბიჯი 12: სათითაოდ მოვასხათ ჭიქურა. იმისათვის რომ ჭიქურა დავამზადოთ საჭიროა:

• ყველა ინგრედიენტი ავურიოთ ერთმანეთში.
• იქამდე ვურიოთ სანამ არ გამოვა ერთიანი მასა

ნაბიჯი 13:   ფუნთუშა მიირთვით თბილი, უფრო გემრიელია მომზადების დღეს.

მზადაა, მიირთვით გემრიელად !!!