როგორ მოვამზადოთ ბანანის კოქტეილი?

ბანანის კოქტეილი ძალიან კარგია საუზმისთვის, რადგან ბანანი უხდება სხვა პროდუქტებს. ბანანის კოქტეილის დამზადება ძალიან ადვილია. ამ სტატიაში თქვენ გაეცნობით ბანანის კოქტეილის მომზადების ოთხ მეთოდს: მხოლოდ ბანანის, ბანანი–კენკრით, ბანანი–ნიგვზით და ბანანის დესერტი.

მეთოდი 1: ბანანის კოქტეილი;

ინგრედიენტები: ეს არის ის ინგრედიენტები, რომლებიც დაგვჭირდება ბანანის კოქტეილისთვის:

• 1 ბანანი
• ერთი ს/კ თაფლი ან შაქარი
• ერთი ჭიქა რძე
• ყინული (სურვილის მიხედვით)

ნაბიჯი 1: გავასუფთავოთ ბანანი, დავჭრათ ნაწილებად და ჩავყაროთ ბლენდერში (თუ არ გვაქვს ბლენდერი შესაძლებელია სამზარეულოს კომბაინის გამოყენება).

ნაბიჯი 2:  დავამატოთ რძე , თაფლი/შაქარი. თუ გვიყვარს სქელი კოქტეილი დავამატოთ ნაკლები რძე. თუ გინდათ დაამატეთ ყინული.

ნაბიჯი 3:  აურიეთ ინგრედიენტები. დაახურეთ სახურავი  ბლენდერს და აირჩიეთ სასურველი რეჟიმი. იქამდე თქვიფეთ სანამ არ მიიღებთ სასურველ მასას. მიირთვით კოქტეილი საწრუპით.

მეთოდი 2:  ბანანი–კენკრის კოქტეილი

ინგრედიენტები: 

• 1 ბანანი
• 4 დიდი გასუფთავებული მარწყვი
• 1/2 ჭიქა მოცვი
• 1 ჩ/კ შაქარი
• 1 ჭიქა იოგურტი
• ნახევარი ჭიქა ფორთოხლის წვენი
• ყინული

ნაბიჯი 1: გავასუფთავოთ ბანანი, დავჭრათ და ჩავყაროთ ბლენდერში. შემდეგ დავამატოთ გარეცხილი მარწყვი და მოცვი. ავთქვიფოთ იქამდე სანამ არ მივიღებთ სასურველ მასას.

ნაბიჯი 2: ამ მასას დავამატოთ იოგურტი, ფორთოხლის წვენი და შაქარი ( თუ გვიყვარს ტკბილი კოქტეილი დავამატოთ უფრო მეტი შაქარი). დავამატოთ ყინული.

ნაბიჯი 3: ავურიოთ ყველა ინგრედიენტი ერთმანეთში. დავაფაროთ ბლენდერს სახურავი და ავთქვიფოთ მანამდე სანამ არ მივიღებთ სასურველ მასას. კენკრის საშუალებით ჩვენი კოქტეილი იღებს წითელ ფერს.

გადაასხით ჭიქაში და გემრიელად მიირთვით.

მეთოდი 3: გამაჯანსაღებელი ბანანი–ნიგვზის კოქტეილი

ინგრედიენტები: 

• 1 ბანანი
• 1/2  ჭიქა ნუში
• 2 ჭიქა ისპანახი
• 1 ჩ/კ მიწისთხილის ზეთი
• 1 ს/კ აგავის ნექტარი
• 1 ჩ/კ შალფეის თესლი

ნაბიჯი 1:  ჩავყაროთ ბლენდერში ნუში და დავასხათ ერთი ჭიქა წყალი. იქამდე უნდა ავთქვიფოთ სანამ არ გამოვა თეთრი, ქაფიანი რძე. ეს მასა რძის  შემცვლელია.

ნაბიჯი 2: დავამატოთ ისპანახი ბლენდერში და ავთქვიფოთ რძესთან ერთად. იქამდე ვთქვიფოთ სანამ არ შეერთდება რძესთან.

ნაბიჯი 3:   გავასუფთავოთ ბანანი და დავჭრათ ნაწილებად, შემდეგ დამატოთ მიწისთხილის ზეთი, აგავის ნექტარი და შალფეის თესლი. დავაფაროთ ბლენდერს სახურავი და ავთქვიფოთ იქამდე, სანამ არ მივიღებთ სასურველ მასას.

ნაბიჯი 4: ჩაასხით ჭიქაში და მიირთვით. ეს გამაჯანსაღებელი კოქტეილი არ მოგაშიებთ ლანჩამდე.

მეთოდი 4:  ბანანის დესერტი 

ინგრედიენტები:

• 1 ბანანი
• 1 ჭიქა გათხელებული ნაღები
• 1 ჩ/კ ყავისფერი შაქარი
• 1ჩ/კ ნეკერჩხლის სიროფი
• 1/2 ჩ/კ დარიჩინი
• 1/4 ჩ/კ მუსკატის თხილი

ნაბიჯი 1: გაასუფთავეთ ბანანი, დაჭერით ნაწილებად და ჩაყარეთ ბლენდერში. ბანანს დაამატეთ გათხელებული ნაღები. თქვიფეთ სანამ არ მიიღებთ ერთიან მასას.

ნაბიჯი 2: ბლენდერში დავამატოთ დარჩენილი ინგრედიენტები: დარიჩინი, მუსკატის თხილი და ნეკერჩხლის სიროფი. ეს ყველაფერი ავთქვიფოთ.

• გემოსათვის შეგიძლიათ დაამატოთ კაკაო ან გახეხილი შოკოლადი.

ნაბიჯი 4: ჩავასხათ კოქტეილი ჭიქაში, ზევიდან მოვასხათ გათხელებული ნაღები. იმის მიზნით რომ ჩვენი კოქტეილი ჰგავდეს დესერტს დავადოთ ალუბალი.

კოქტეილები მზადაა. გემრიელად მიირთვით !

An'na

See author's posts